Cabs at GMA Kamuning MRT Station

Bakit kaya may mga taxi na nakahazard sa paanan ng Southbound lane ng GMA Kamuning MRT Station na kunwaring nakapila para mag-antay ng mga pasahero pero tinatanggihan naman ang lahat ng gustong sumakay? Weird? Exactly!

Pagod na pagod ako paglabas ng tren sa Kamuning mula Makati. Oras kasi ng uwian kaya siksik na siksik ang mga tao sa loob. Literal na nakadikit ang mukha ko sa aking kanang kili-kili dahil sa kakarampot na espasyong naiwan para humawak sa steel bar sa itaas ko. Buti na lang ugali kong magdeodorant pagkatapos maligo kaya kahit papaano ay mabango pa rin ang naaamoy ko. Lukot na lukot ang damit ko at amoy pawis ng kung sino-sinong tao. Sarap…

Pagsilip ko sa may hagdan nakita ko ang pila ng taxi na nakaabang… ayos! Hindi na ako mahihirapan. Kaso lang, kada banggit ko ng destinasyon ko, umiiling sila, pinapalipat sa sususnod na nakapila. Pakshet! Sa Napoli’s lang ako pupunta pero ayaw pa rin nila akong ihatid!!! And to think ang Napoli’s ay nasa Jamboree Circle lang na halos wala pang dalawang kilometro mula sa estasyon! Pakshet talaga!

So ayun, magsusumbong na dapat ako kay “Mamang Pulis”, kaso busy soya sa kausap niya na nakapila sa Lottohan habang lumalaklak ng balot. Ayos talaga… kaya ang ganda sa Pilipinas eh. Buti na lang may dumaan na taxi, huminto sa harap ko at sinakay ako. Di bale nang umuugoy ang upuan ko sa kalumaan ng sasakyan, ang importante ay nakarating pa rin ako. Hay…

Kaya calling GMA7, imbis na yung paulit-ulit na nakakarinding bangayan nyo ng ABS tungkol sa pesteng ratings na yan, sana mapansin nyo rin ang kabuktutang nangyayari sa labas ng bakuran nyo para naman mas may saysay ang mga idinadakdak ng mga newscasters nyo.